खिचडी उत्तापा

रात्रीची उरलेली खिचडी मिक्सर मधून वाटून घ्यावी. वाटलेले मिश्रण एका भांड्यात काढून त्यात २-३ चमचे रवा, ज्वारीचे पीठ, मुगाचे पीठ, थोडं दही घालावे व मिश्रण कालवून घ्यावे.

मग त्यात, जिर पूड, हळद, लाल तिखट, मीठ, बारीक चिरलेला कांदा, टोमॅटो, कोथिंबीर घालावे व पुन्हा उत्तपला लागतं तसे मिश्रण करून घ्यावे.

एका नॉनस्टिक तव्यावर थोडेसे तेल घालावे व मिश्रण डोस्या सारखे घालावे. पण पळी ने पसरवू नये.

दोन्ही बाजूने खमंग भाजून घ्या. खिचडी उत्तपा वर लोणी घाला व त्याचा गरम गरम आस्वाद घ्या.